إلى أعز و أغلى الناس بجد انت انسان بكل معاني الكلمة دي ومافيش كلمة اجمل من انسان اقدر اقولها تعبر عن محمد وشخصيته وكيانه واما شغلك فده لا غبار عليه واذا كان الموقع وهو في اول شكل ليه بالجمال ده اومال لما تكمله هايبقى ازاي وربنا يوفقك بجد لانك تستاهل كل خير

عنتر باشا بجد واللة واحشنا كتيرررررررر واية الشغل الجامد دة بس بجد تسلم ايدك بجد فوق الممتاز بص بقى يا سيدى اولا ... الموقع بتاعك دة تحفة وكل تفاصيلة بجد تقول ان فنان الى عاملة واكيد دة الى عودتنا علية دايما يا عنترتانيا يا سيدى انت بجد من اكتر الشخصيات المريحة الى الواحد يحب يسمع منها وياخد خبراتها ويكون انسان موثوق فية وبحس انك ماشاء اللة يعنى انسان ناضج وفاهم واتعلمت من الدنيا كتيررررر وانسان كدة تتحمل المسؤلية وانا بجد بحترمك موت وبجد بتشرف انى اعرفك تالتا ودة الاهم انا اة فيما سبق اتكلمت عن مميزاتك بس فى اكتر وهما انك طيب جدااا وشهم جدا وجدع جداا واحسن حاجة فيك انى بحس انك رجل شرقى بكل معنى الكلمة وبحسك صاحب صحبك اوى وحاجات كتير تانية تكون تحت كلمة راجل ( غيور على اصحابك وشهم وجدع ودمك حامى ) بجد دة رأيى من غير حاجة نفاق نيجى للعيوب بقى تعلالى ميغركش المدح الى فوق دة الى جاى اصعب اوف يا عنتر ههههههههه بهزر بصراحة يا عنتر انت فتى احلام اى فتاة هندسية هههههههههههههه:? لا بجد ربنا يكرمك يارب ويزيدك ويوفقك وتتخرج وتكون مستقبل انا حاسة انة هيكون مستقبل كويس جدا وانت شخص مسئول وهتحدد مستقبل كويس واتمنى بجد انى افضل محتفظة بصداقتك يا بشمهندسنا العزيز

ازيك يا بشمهندس محمد وحشتنا اوى و وحشنا شغلك الجامد دة الموقع طبعا رائع زى ما انت معودنا اما بقى بالنسبة لمميزاتك فانت انسان طيب اوى اوى وجدع اوى ومخلص وبتحب تساعد كل الناس وطموح وواثق من نفسك ودى حاجة كويسة و بتحب شغلك اوى اوى وبصراحة مش عارفة اقول اكتر من كدة لانى مش لاقية كلام اوصفك بى اما بقى بقى عيوبك فهى كتييييييييييييييييير هههههههههههة هوة عيب واحد انك فضولى شوية.

احب ابارك في الاول على الموقع الف الف مبروك يا عنتر تسلم ايدك علىلا الشغل الجامد ده ولما اتكلم عن عنتر احب اقول ان عنتر من اجدع الناس اللي عرفتها راجل بمعنى الكلمة خدوم اوي ميتاخرش عن حد محتاجله بحس انه اخ كبير بجد ربنا يخليهولي ويخليه لكل اللي بيحبوه فيه عيب بسيط بقى انه بيحب الناس زياده عن اللزم بس ربنا يكرمه ويوفقه في حياته باذن الله مبروك تاني على الموقع يا عنتر والى الامام دائما

طبعا ماينفعش اقول تعليق على اى موقع يعمله عنتر لانى شايف انه اكبر من كدة بكتير .. كفاية يا اخى اسم الموقع محمد دوت كوم هاموت و اعرف يا عنتر عملته ازاى . بص يا محمد انت فعلا بنى ادم موهوب فى المجال المميز ده و بصراحة مشكلتى معاك انى مهما احس انى وصلت و جولت وهصت و اتنططت فى النت .. اجى اقعد جنبك 5 دقايق احس انى جاهل و لامؤاخذة :) ,بجد والله يا عنتر ربنا يوفقك لانى عارف انك بتحب اللى بتعمله و دى اهم حاجة و برضه ربنا يوفقك فى الدراسة اللى انا متأكد انك اصلا مهندس اتصالات و ضل طريقه الى الهندسة المدنية بس بكرة نشوفك كدة زى بيل جيتس و نسمع عن الملياردير الكبير صاحب شركة عنتر سوفت العالمية .. و اخيرا ربنا معاك و معانا كلنا يا بطل و تفضل دايما مشرفنا كدة على الشبكة العنكبوتية . اخوك الصغير : عبدالحميد'

بجد يا عنتر بسم الله ماشاء الله على شغلك انت على فكرة كل مرة بتديني لينك و تقوللي شوف اللينك دة ببقى متاكد مليون المية انه ابداع جديد من ابداعاتك ... ما اروعك و ربنا يوفقك يارب في حياتك و تكمل في المجال اللي انت بتحبه اما بالنسبة بقى للمزايا و العيوب هو انا شايف ان عنتر يا جماعة خدوم جدا لاقصى الحدود بمعنى ان لو في ايدو اى حاجة ممكن يساعدك فيها مابيتاخرش و بيبدي غيره على نفسه و فعلا صديق بمعنى الكلمة و طبعا اخ كبير بيفيد كل اللي حواليه على قد ما يقدر لو قولنا عيوب انا شايف اني بحسه مش مركز شوية في اللي هو عايزه يعني ما بياخودش خطوة للامام بس هو ابتدى يظبط المشكلة دي كتير.

واللــه دى فرصـــة كويســـة اوى ان الواحد يقف مع نفســـة شوية ويفكـــر ويقول ايه اللي عاجبـــه او ايه اللي بيكـــرهه فى صديق ليـــه مدة الصداقـــة قربت تتجاوز الخمس اعـــوام ((( عمــر والله ))) .. انا اكتـــر حاجه بتعجبنــــى فى عنتـــر انه خدوم يعنـــى ما بيقــولش لحد لا على حاجـــه فى استطاعتـــه ابداا وكان ده بردوا اللي بيضايقنــــى منه لانه كان بيجيـــى على مصلحتــه كتير عشان خاطـــر ناس تانيــــة بس الحمـــد لله هو بدأ يعـــرف الطريـــق الصح ويمشـــى فيـــــه كنت اتمنـــى يابنى لو كان عندى شركــــة برمجــــة كبيـــرة ولا اى حاجـــة كنت خليتــك انت المديـــر بتاعهـــا واهى حاجـــة من خدماتــــك الكتيـــر الانـــت قدمتهالـــى بس انت عارف بقى الفيهـــا ,,,, على العمــــوم اراء الناس الفى الصفحـــة دى كلهــا حلوة وانا شايـــف ان لو كل حد فينـــا عمل زيـــك كده كلنـــا هنقدر نطور من نفسنــــا :)

احم احم اولا بقى مبروك ياصاحبى على الموقع بجد شغل جامد كيك وبجد تسلم ايدك يامعلم انت طلبت منى اقول المزايا والعيوب بتاعتك بص ياصاحبى اولا بقى المزايا :: راجل جدا وصاحب صاحبه اوى اوى اوى .. عنتر من الشخصيات الكويسة اللى عرفتها فى حياتى وبجد بعتز بصداقته جدا ومن الرجالة اللى عرفتهم فى حياتى وبجد ربنا يكرمه فى حياته يارب وينوله كل اللى فى باله انما بقى بالنسبة للعيوب انا مش شايف غير حاجاة قليلة :: شخصيته متقلبة فى بعض الاحيان بس ياريت متزعلش من كلامى بس انت قولتلى اقول بصراحة بس بجد انت من الرجالة اللى عرفتهم ياصاحبى ومبروك

والله دى اقل حاجه يعملها البوب عنتر ابو دماغ متكلفه واصابع ذهبيه تسلم وتسلمانا ابداعاتك

مميزاتك: جدع جدا طيب اوي اوي ذوق جدا جدا جدا مع ان الكمال لله بس مش شايفة فيك عيوب